Convocatoria Proxecto B 2013
A todos os socios e socias de "O aturuxo de Melpomene". Tal e como
foi aprobado na asemblea do 27 de setembro de 2013, queda aberto o prazo
de presentación de proxectos teatrais para grupos teatrais pertencentes
á asociación. Esta é a segunda convocatoria, e polo tanto a
correspondente ao segundo semestre do 2013. A continuación detallamos os
diversos pontos que debe incluír o proxecto: 1. TITULO. Texto e
autor/autora do mesmo. 2. RECURSOS HUMANOS. 2.1. ELENCO. A proposta debe
incluir os nomes das persoas asociadas que se compromenten a participar
como elenco, con todas as implicacións que isto conleva (disposición
para o período de montaxe recollido no proxecto, disponibilidade para as
actuacións no tempo en que a obra se manteña en cartel, etc). Polo
tanto, estas persoas deben estar informadas da sua inclusión no proxecto
e conformes coa mesma. 2.2. DIRECCIÓN. O proxecto debe incluír o nome
da persoa proposta para a dirección. Esta persoa, pode ou non, pertencer
ao ámbito profesional. No caso de pertencer a dito ámbito, no proxecto
debe estar incluído o seu caché. Dado que o proxecto non estará aprobado
ate que sexa escollido pola asemblea, o contacto coa persoa debe ser
informativo e non un acordo formal. 2.3. AXUDANTE DE DIRECCIÓN. O
proxecto incluirá unha persoa asociada que ocupará o posto de axudante
de dirección sendo a responsable das tarefas que isto implica (estar
presente durante a montaxe e colaborar co director/a nas diversas
actividades que se acorden). A persoa que asuma este posto terá a
responsabilidade de "Director/a en xira" unha vez estreada a obra. 2.4.
PRODUCIÓN. Incluirase a unha persoa responsable da produción do
espectáculo, que deberá coordinar e xestionar as tarefas que engloba
este posto (xestión de recursos económicos acorde ao proxecto
presentado, adquisición de recursos materiais, planificación de tempos e
pasos a dar na montaxe, etc). 2.5. AXUDANTE DE PRODUCIÓN. Un socio ou
socia asumirá as labores de axudante de produción, que estará
encargado/a de colaborar co productor/a axundándolle nas labores antes
indicadas. 2.6. DISTRIBUCIÓN. No proxecto incluirase a unha persoa
asociada para levar a distribución da obra. Este posto implica a
planificación da distribución do espectáculo (cando se vai realizar cada
paso, quen se fai reponsable, etc) e a xestión da mesma (contactos de
distribución, espazos, envio de publicidade, detallar necesidades de
publicidade, etc). O posto implica a incorporación á equipa de
distribución da asociación, sendo a súa función principal a de colaborar
nas necesidades existentes na equipa. 2.8. DESEÑO DE PUBLICIDADE. No
proxecto indicarase o nome da persoa asociada que se responsabilizará do
deseño do material de publicidade. Esta persoa debe coordinarse coa
produción (para a planificación dos tempos) e coa distribución (tamén
para a planificación dos tempos e para cubrir as necesidades que se
indiquen), e de ser o caso, coa dirección do espectáculo se queren
realizar algunha suxerencia. Entre as tarefas máis comúns estarán o
deseño do cartaz, programas de man, etc. 2.9. DESEÑO DE LUCES. Neste
posto debe figurar algunha persoa da asociación con experiencia neste
ámbito. 2.10. TÉCNICO/A DE LUCES. Unha persoa asociada debe asumir a
tarefa de Técnico/a de luces, o que implica acompañar a toda a equipa
nas diversas representacións que xurdan coa función de manexar a equipa
de iluminación e cubrir as necesidades lumínicas da obra nos diversos
espazos de actuación. 2.11. TÉCNICO/A DE SON. Unha persoa asociada debe
asumir a tarefa de T. de son, o que implica acompañar a toda a equipa
nas diversas representacións que xurdan coa función de manexar a equipa
de son e cubrir as necesidades sonoras da obra nos diversos espazos de
actuación. Este posto só será preciso no caso de existir tales
necesidades sonoras. Tamén pode darse a posibilidade de que o posto o
cubra outra persoa que esté asumindo outra función (por ex. o T. de
luces, produción ou o Ax. de Dirección). 3. RECURSOS MATERIAIS. O
proxecto debe incluir todos aqueles recursos materiais que serán
precisos para a montaxe da obra, así como unha estimación económica dos
gastos que conlevan. 3.1. ESCENOGRAFÍA. Proposta de escenografía para a
montaxe e/ou unha estimación do custo da mesma. 3.2. ATREZZO.
Necesidades que o texto marca de atrezzo. Cando menos, estas deberán
estar recollidas, así como o seu custo estimado. 3.3. VESTIARIO. Unha
estimación das necesidades de vestiario que serán precisas para o
desenvolvemento da obra. 3.4. MAQUILLAXE. Unha estimación das
necesidades de maquillaxe que serán precisas no desenvolvemento da obra.
3.5. OUTROS. Indicaranse aqueles recursos materiais que de antemán
están marcados como imprescindibeis para abordar a montaxe da obra. **
Todos os apartados aquí recollidos serán considerados flexibeis, posto
que “a posteriori” poderán estar suxeitos a cambios por necesidades de
dirección. En todo caso a estimación de gastos debe ser o mais acorde
cos custos finais da obra, e nunca poderá superar a aportación económica
estipulada na partida para esta actividade: 2.500 €. 4. RECURSOS
ECONÓMICOS. Neste apartado recollerase unha relación detallada de todos
os custos que terá que afrontar a asociación para a posta en marcha
desta montaxe, así como unha estimación dos custos que se derivarán da
distribución da mesma (por exemplo: como se organizarán os traslados aos
lugares de actuación, nº de coches necesarios para o traslado, se están
cubertas as necesidades de traslado da escenografía, se ser a preciso o
aluger dunha furgoneta, etc). O custo total do proxecto será o número
que na montaxe da obra se deba ter en conta para a distribución
económica da mesma (pago da dirección de ser necesario, adquisición da
escenografía, etc), sendo 2.500 € a cifra límite que non deberá ser
revasada na propia montaxe. 5. PLANIFICACIÓN. O proxecto debe incluir
unha planificación temporal que recolla entre outros os seguintes
aspectos: 5.1. PERIODO DE MONTAXE. Deberá estar detallado o período
temporal da montaxe (por exemplo o mes de setembro), incluindo o nº de
horas destinado ao mesmo (ex. 4 horas diarias, 6 horas
luns-mercores-venres...), horario detallado, lugar de realización
(preferentemente o local da asociación), etc. O proxecto debe incluir a
data prevista para a estrea, tendo en conta que o período máximo
estipulado no RRI é de un ano desde a aprobación do proxecto. 5.2.
DISTRIBUCIÓN. Detallar a planificación da distribución (tempos para as
tarefas: publicidade, contactos cos espazos, etc). 5.3. ESTREA. Sinalar a
data e lugar preferente de estrea. Posteriormente deberán iniciarse as
xestións para pechar dita data e lugar. Para isto será preciso
coordinarse coa equipa directiva e a equipa de distribución. 6. OUTROS
DATOS. Recoller toda aquela información que se considere relevante. Por
exemplo: Público ao que esta destinado, Xénero, etc. ANEXOS O proxecto
debe incluir o texto en galego ou traducido ao galego. Posteriormente
incluirase o deseño de luces, son, etc. Unha vez elexida tamén será
imprescindible adxuntar o permiso do autor/a do texto. PRAZOS O PRAZO DE
PRESENTACIÓN DE PROXECTOS ESTÁ ABERTO DESDE O DÍA DA CELEBRACIÓN DA
ASEMBLEA, 27 DE OUTUBRO DE 2013 ATE O 25 DE OUTUBRO DE 2013. O DÍA 25 DE
OUTUBRO ÁBRESE A SEMANA DE REVISIÓN DE PROXECTOS. DURANTE ESTE TEMPO A
EQUIPA DIRECTIVA OU A COMISIÓN CREADA PARA A REVISIÓN ESTARÁN ENCARGADAS
DE REVISAR OS PROXECTOS PARA VERIFICIAR QUE CUMPLAN TODAS AS CONDICIÓNS
DESCRITAS. O DÍA 1 DE NOVEMBRO COMUNICARASE AOS SOCIOS E SOCIAS QUE
PRESENTARON PROXECTOS SE ESTÁN OU NON ADMITIDOS. ASIMESMO, ÁBRESE UN
SEGUNDO PERÍODO, CUNHA DURACIÓN DE 7 DÍAS, PARA RECTIFICACIÓN DE ERROS
NO PROXECTO PRESENTADO. O DÍA 8 DE NOVEMBRO PRESENTARANSE OS PROXECTOS E
QUEDARÁN A DISPOSICIÓN DOS ASOCIADOS E ASOCIADAS PARA A SÚA CONSULTA
ATE O DÍA DA VOTACIÓN. OS PROXECTOS ESTARÁN DISPOÑIBEIS EN PAPEL NO
LOCAL DA ASOCIACIÓN. ASIMESMO, ENVIARANSE POR CORREO ELECTRÓNICO A TODAS
AS PERSOAS ASOCIADAS. NA PRIMEIRA ASEMBLEA DE SOCIOS E SOCIAS QUE SE
CELEBRE NO MES DE NOVEMBRO LEVARASE A CABO A VOTACIÓN E ELECCIÓN DO
PROXECTO. A VOTACIÓN É PRESENCIAL. A PARTICIPACIÓN NA VOTACIÓN IMPLICA A
REVISIÓN DOS DIVERSOS PROXECTOS POR PARTE DO VOTANTE. O SISTEMA DE
VOTACIÓN É O SEGUINTE: CADA SOCIO EMITE 3 VOTOS: - 3 PONTOS - 2 PONTOS -
1 PONTO CUBRIRANSE NECESARIAMENTE OS TRES VOTOS POR PERSOA. A OBRA MÁIS
VOTADA SERÁ A SELECCIONADA. NO CASO DE PRODUCIRSE UN EMPATE,
RESOLVERASE REPETINDO O SISTEMA DE VOTACIÓN SÓ COS TEXTOS EMPATADOS. O
MOMENTO DA VOTACIÓN QUEDARÁ RECOLLIDO NA ORDE DO DÍA CORRESPONDENTE. NON
SE ADMITIRÁN VOTOS NON PRESENCIAIS. O PROXECTO SELECCIONADO DEBE
ESTREARSE NUN PRAZO MÁXIMO DUN ANO A PARTIR DA ASEMBLEA NA QUE O
PROXECTO SAIA ESCOLLIDO. ANIMADEVOS A PARTICIPAR! A SELECIÓN DE
PROXECTOS SERÁ MOITO MÁIS RICA CANTO MAIOR SEXA A NOSA PARTICIPACIÓN.
TODOS E TODAS PODEMOS SACAR ADIANTE OS NOSOS PROXECTOS.
Comentarios